Тиреспубликэ и Къэралыгъо быракъ имафэ пае Адыгеим щыпсэухэрэм сигуапэу сафэгушlо!
Къэралыгъо тамыгъэу тиlэ быракъыр зэрэтилъапlэм мы мафэр ишыхьат. Республикэм иблэкIыгъэ уахътэ, инепэрэ мафэ ыкlи инеущ ащ зэрепхых. Лъэпкъэу исхэм языкlыныгъэ, язэгурыlоныгъэ ар ишыхьат.
Плlэнэбз уцышъоу жъогъо пшlыкlутlур ыкlи щэбзищ зэблэдзыгъэхэр зытетым блэкlыгъэ лlэшlэгъухэм, охътэ къинхэм адыгэхэр зэрипхыгъагъэх. Ащ мэхьэнэ ин иlагъ ыкlи яхэку зэрэфэшъыпкъэхэм итамыгъэу хъугъагъ.
Нэужым, Адыгэ Республикэр загъэпсым мы тарихъ быракъыр Урысые Федерацием ишъолъырыкlэ икъэралыгъо тамыгъэу хъугъэ
Адыгэхэм ятарихъ непэ мы быракъым къегъэунэфы, республикэм лъэпкъ зэфэшъхьафэу исхэр ащ зэфещэх, лlэужхэр зэрепхых, хэкум фытиlэ шlулъэгъур егъэпытэ.
Жъогъо пшlыкlутlоу ыкlи щэбзищ зэблэдзыгъэу плlэнэбз уцышъом тетхэм ямэхьанэ непэ зэфэшъхьафэу къаlуатэ. Ау сыдэу щытми адыгэ быракъыр лlэшlэгъу чыжьэхэм къахэкlыгъ, адыгэу дунаим тетхэм, республикэм лъэпкъэу исхэм апаекlэ мамырныгъэм, зэгурыlоныгъэм, шlум ыкlи шъхьэкlэфэныгъэм ятамыгъэу тибыракъ ренэу щэрэт!
